La ie tan inant!
La Union di Ladins de Gherdëina possa cunedì cun legrëza che l lëur de cataloghisazion di libri tla biblioteca ladina “anda Malia da Cudan” ie jita a piz.
Per festejé chësc travert uniral metù a jì na pitla festa n l di dla biblioteches, n merdi ai 24 de utober dala 16:30 tla biblioteca tla Cësa di Ladins.
N chësta ucajion ti uniral sëurandat n pitl recunescimënt a n valguna persones che à judà pea te biblioteca o contribuì cun dunazions: Otto Dellago, Lucas Malsiner, Wolfgang Moroder y Gudrun Mussner.
La presidënta dla Union di Ladins de Gherdëina Sofia Stuflesser nes mustrerà nce vel’ statistiga dla biblioteca.
L sarà nce zeche da pestlé y da bever.
Sëis duc nviei de cuer!
L ambolt de S. Cristina Christoph Senoner, la secretera Ivana Moroder, i ulenteres Erica Mair Senoner, Lucas Malsiner, Otto Dellago, Gudrun Mussner, Sofia Stuflesser y l ambolt de Urtijëi Tobia Moroder.
