Les conties mitologiches y les lijendes ladines conta de nosta origines, di prums abitanc di raions dolomitics, de sia vita da vigni di, de veres y alianzes, de imprejes eroiches y falimenc, de speranzes y delujions, de amours y solentums, dut senté ite te na dimenjion zacò fora dal temp, dant la storia. N mosaich leterar rich y prezious, metù adum da tesseres zinces costituides da 58 conties coiudes su te dutes cinch les valedes ladines entourn l Sela. N mosaich dla memoria, ma nia demé.
Olà che la storia mostra su sies loces, o can che ara é fata via tl ciarù, él fosc la lum monejela dles lijendes y la usc empizenta de chestes conties che é bones da nes daidé inant sun l viade dla conescenza de nosta anima y de nost mond.