Ëura de stories per mutons dla scola elementera, stories y lijëndes: La Union di Ladins de Gherdëina à metù a jì 4 ëura de stories tla biblioteca Tresl Gruber de S. Cristina. I mëndri mustrova n gran nteres. Gën ie i mutons y la mutans unides a scuté su la stories cuntedes da Sofia Stuflesser tla biblioteca Tresl Gruber de S. Cristina. La Union di Ladins de Gherdëina à purtà inant l proiet che ie bele unì scumencià l’ann 2011 y che va for inant da d’anscuida te na biblioteca dla valeda y da d’autonn tla Cësa di Ladins. I mëndri mostra for n gran nteres ala stories y ala lijëndes ladines y se ncunforta nce a pudëi daldò pastelné y dessenië zeche che reverda l argumënt tratà.