Dal 1954 - ie la Union di Ladins de Gherdëina - na lia de ulentariat che cura cun gran idealism la cultura, la tradizion y la rujeneda ladina per l respet de nosc antenac y de chiche vën do.
   
La Lia cumpëida zirca 300 scric ite che paia ite uni ann l bolin de cumëmber, chisc giapa reduzions de priesc sun duta la publicazions y manifestazions dates ora y fates dala Union di Ladins y possa nce vijité debant l Museum de Gherdëina. I scric ite à la rejon de lité l cunsëi che ie metù adum de 11 persones y che resta atives per doi ani. L'atività dla U.L.G. ie scialdi granda y ie fata dantaldut de na gan cumpëida de manifestazions cultureles che à da n fe cun nosta tiera y rujeneda de l'oma.

L vën tenì truep referac, publicazions per ladin de: libri, chertes de auguresc y CD's. La Union di Ladins de Gherdëina dà n contribut mpurtant a la USC dajan ju articuli de uni sort, y nia per ultim ie n gran lëur chël de aministré sibe dla Lia che sambën nce dla Cësa di Ladins.