Ai 26 de merz dl 1972 ie unida inaugureda la ngrandida dla Cësa di Ladins. Tlo giapa na majera lerch la bibliotech ladina. L prim bibliotechér fova Franz Prugger ma debota daledò ie unida y resteda per truep ani anda Amalia Obletter da Cudan.

A d'ëila ti sention gra dl gran lëur che ëila a fat per tan de ani debant per la bibliotech. Aldidancuei vën la bibliotech meneda dal cunsëi dla Union. L jëunn Manuel Vinatzer à repurtà duc i libri tl computer per fé mo plu saurì a cri su vel liber particuler.

La bibliotech che ie scialdi bën njinieda ite cun libri per tudësch, talian y sambën nce per gherdëina che rejona de nosta tiera,cultura, tradizion y storia, vën crida su dantaldut da studënc y professëures ma nce dala populazion n generel che se nteressea de publicazions ladines y nia me. Tla bibliotech veniel nce tenì referac, sëires cun chedri a culëures y la sentedes dl cunsëi dla Union. Duc possa unì a se mpresté ora i libri.