 |
28.04.2010
Chi fova pa i Rec? I antenac di Ladins? Chësc fova l titul dl referat cun diapositives tenì tla biblioteca dal pruf. dr. Edgar Moroder dan na sala plëina de jënt. L reladëur à stlarì da ulache l univa chësc popul y l à rujenà sun si cultura.
|
 |
16.12.2009
N mierculdi ie unì prejentà tla Cësa di Ladins a Urtijëi l Calënder de Gherdëina 2010. Per chësta ucajion ie unida adalerch truepa jënt y de plu autoriteies dla valeda. I relatëures fova: L presidënt dla ULG nuef Stefan Kasslatter (sun la foto mpe), la vizepresidënta Milva Mussner y l coordinadëur dl Calënder Egon Vinatzer. |
 |
11.11.2009
N mierculdi ie unì prejentà ufizialmënter tla Cësa di Ladins a Urtijëi l cuartet sun Gherdëina tla trëi rujenedes dat ora dala ULG. Per chësta ucajion ie nce unì prejentà l liber dat ora dala UGLD “N pensier adatà per uni ucajion” y la linea de moda “Ladinstyle” crieda da Alessandro Anesi de Fascia. |
|
 |
Merz 2009
La sëurastanza dla Lia de Teater de Urtijëi à ancuntà na raprejentanza dla ULG. L fin dla senteda ie de crì deberieda soluzions de co jì inant cun l fabricat dla Union di Ladins. La gran sala ie per ntant unida dsareda y deberieda speren de ruvé prësc a na sburdla finanziela da pert dla politica y de abiné la drëta streda per ruvé tosc al fabricat nuef.
Foto da m.d.: Pauli Rabanser (teater), Marlis Moroder presidënta dla Lia Teater, Manuela Piazza presidënta ULG, Norbert Mahlknecht (vizepresidënt teater) y Egon Vinatzer (presidënt de unëur dla ULG) |
 |
“La Purga rujenënta” 19.12.08 Biblioteca Oswald von Wolkenstein Sëlva.
Scialdi garateda ie la prejentazion tla Biblioteca te Sëlva dl liber per mëndri dat ora dala ULG “La Purga rujenënta”. Na bela armunia, na gran cunlaurazion di genitores y truepa jënt sul post, ie stat l prëmi l suzes. Sambën ne pudova te chësta ucajion nia mancë na gran cumpëida de sculeies.
Tla foto: da m.c.: Manuela Piazza presidënta dla ULG, Egon Vinatzer cuordinadëur di lëures, Milva Mussner cuordinadëura dl proiet y Ludwig Insam nseniant y direzion dl liber. Dancà Christine Runggaldier che à fat i dessënies |
 |
Curs de ladin-Gherdëina 14.04 -06.04.08 Cësa di Ladins
La Union di Ladins de Gherdëina deberieda cun l Servisc furmazion de Gherdëina, à metù a jì n curs pensà per chi che scrij gën, che adrova te si lëur o che ulëssa miuré si rujeneda dl'oma.
I argumënc tratei fova: la regules de ortografia y de gramatica.
L ie nce unì mparà vel' maniera de dì tipica dl gherdëina y co schivé nterferënzes da rujenedes fulestieres.
I referënc che à fat scialdi viva y da culëur la 12 sëires fova David Lardschneider y Ulrike Mairhofer.
L curs à plajù y ie nce unì cris sù da na bela grupa de partizipanc dassënn nteressei. Danter i prejënc fova reprejentedes deplu categuries, danter chëstes: n notar, na nsenianta de scola auta, segretères, cianciadëures, giornalisć y nchinamei n pulizai de chemun. |
 |
“Di la tia” Mujiga, prosa y poejia ladina.
La Union di Ladins de Gherdëina à metù a jì n vënerdi ai 09 de mei dala 20.30 tla Cësa di Ladins a Urtijëi na sëira leterera, “dì la tia” cun mujiga, prosa y poejia ladina.
Autores dala cin’ valedes ladines à liet dant scric de gran paruda. Danter chisc: Rut Bernardi, Roland Verra, Ivan Senoner y Josef Kostner da Gherdëina; Stefen dell’ Antonio Monech dala Val de Fascia; Iaco Rigo y Tresele Palfrader de Al Plan de Mareo; Franco Del Tedesco da Fodom y Liliana Majoni da Ampëz.
Raimond Irsara de Urtijëi à acumpanià la sëira cun si cumposizions sperimenteles.
L fova n bel publich y la sëira ie drët garateda. |
 |
Vënerdi ai 22.02.2008 – Na delegazion dla ULG fej vijita ala Cësa de Paussa a Urtijëi. Per chësta ucajion iel nce unì dunà deplù publicazions danter libri y CD’s per la biblioteca dla Cësa San Durich. L ie nce unì mustrà n film per gherdëina sun la lijënda “L banch dla stries da Sacun”. La ULG demostra nsci de ne avëi nia mé sensibltà n cont dla cultura o rujeneda de l’oma, ma nce tl aspet soziel. L’ancunteda à nsenià truep y à tramandà truep sentimënt ai cunselieres dla Union.
Tla foto da man drëta: Cristine Runggaldier, cunlauradëura dla Cësa, Egon Vinatzer, Ewald Karbon, Michaela Perathoner y Günther Pitscheider per la ULG. |
 |
Vënerdi ai 15.02.2008 – Na jita cun i schi ie for na bona ucajion per mutivé l cunsëi dla ULG a na bona cunlaurazion. Tlo dan la grupa de Saslonch sun Mont de Sëuc amesa la natura te n’armunia da marueia. Sambën ie chësta nce n’ucajion plu lesiera per fé na senteda mpò mpurtanta. Nsci lëura duc inò inant gën. |
|
|
 |
23.12.2007 Nadel tla Cësa di Ladins. L Museum de Gherdëina deberieda cun la Union di Ladins, à metù a jì na blòta festa per crië l’atmosfera da Nadel. Tl Museum iel unì cuntà stories ntëur la cripl y l ie nce unì fat cëiresc d’avënt. Tla biblioteca fovel da pudëi cumpré te uni sort de bona ucajions chertes per auguresc, libri y CD’s dac ora dala ULG. Te verzon univel dat ora n bon té cun panettoni y de bona papes. Ntan dut l di fovel da audì cores y grupes cun melodies y cianties da Nadel. Tla foto Otto Dellago cun l trio d’ëiles. |
 |
Bel per l cuarto ann iel unì metù a jì da pert dla ULG n cunlaurazion cun l Ufize de Turism de Urtijëi y la Scola de jì a ciaval Monte Pana, la cripl vivënta. La blòta performance ie unida fata sun la pitla plaza Stetteneck ai 8, 15 y 22 de dezëmber. Danter de uni sort de blòc tieres vives, fovel sambën nce da udëi la Sacra familia y i trëi rëisc. |
 |
Per l’ucajion dla prejentazion dl Calënder de Gherdëina 2008 à sunà de blòta meludies d’Avënt na grupa de jëuni dla scola de mujiga de Gherdëina, cun a cë l professëur Thomas Piazza. |
 |
14 de dezëmber 2007 dala 20.00 tla bibliotech dla Cësa di Ladins. Nce chëst ann ie l calënder inò rich de documentazions nteressantes de nosta valeda, scrites sambën dala populazion de Gherdëina nstëssa.
L Calënder dëssa cun si scric purté ora per nosta cëses la legrëza cun n gran surtimënt de nfurmazions, documentazions, testemunianzes ma nce y dantaldut lecorc repurtei cun de blòc articuli de uni sort scric dala populazion nstëssa. Ala prejentazion ie ruveda adalerch trupa jënt che à mplenì ora dl dut la sala. Prejënt nce l ambolt de Urtijëi Ewald Moroder deberieda cun truepa d’autra persunaliteies.
Foto: Da m.c.: L ambolt Ewald Moroder, Egon Vinatzer y Manuela Piazza |
 |
Gran nteres per la mostra di culezionisć urganisazion y idea ULG
Sëidesc pitli culezionisć de Gherdëina à fat pea ala mostra danter l 15 y l 18 de nuvëmber.
La manifestazion à abù n gran suzes y à trat su na gran curiosità y nteres. N juebia ala giaurida, danter da pitla blòta fola de jënt fova nce prejënt a uneré l’idea l ambolt de Urtijëi Ewald Moroder y l’assessëura per la cultura dl chemun de Sëlva Beate Senoner.
Metù ora à: Egon Senoner - santes da mort, Otto Anvidalfarei – modelins dla FIAT 500, Rita Runggaldier – dediei dal mond, Werner Solderer – zigares y si massaria, Rudi Stolz – acendins, Oswim Senoner – scipes da hockey, Saverio De Luca – ciapiei publiziteres, Sandra Perathoner – sablons dal mond y struplons de spumante y champagne, Robert Perathoner – bozes dala Cocacola, Paul Laimer y Marco Obletter – ciafites, Rudi Kostner Funtanela – scatules |
 |
N pruiet per n cunzet nuef per l Museum de Gherdëina.
L Museum de Gherdëina deberieda cun la facoltà de architetura dla Università de Dispruch, à metù a jì n’ena de seminar dai 22 ai 27 de utober 2007 tla Cësa di Ladins a Urtijëi. Deberieda cun i doi professëures njenieres Joachim Moroder y Horst Hambrusch an tëut n cunsciderazion duc i aspec museai y à studià tres deplù pusciblteies coche struturé da nuef l Museum. De auril dl 2008 uniràl prejentà n proiet nuef.
Foto: da m.c.: i professëures dla Università de Dispruch Joachim Moroder y Horst Hambrusch, la reprejentanta dl Ufize provinziel per i museums Alexandra Pan, l presidënt dl Museum de Gherdëina Wolfgang Moroder, l presidënt dla ULG Egon Vinatzer, l assessëur regiunel Luigi Chiocchetti, la diretëura dl Museum de Gherdëina Paulina Moroder y la vizepresidënta dl Museum Judith Sotriffer. A m.d.: l presidënt de unëur dl Museum Robert Moroder cun l cunselier Harald Schmalzl. Dovia cun i studënc: la vizepresidënta dla ULG Manuela Piazza, la culaburadëura dl Ufize per i museums Esther Erlacher y l cunselier dl chemun de Urtijëi Georg Moroder. |
 |
N vënerdi ai 14 de setëmber ntan la prejentazion dl liber ”Lettere aperte”, che spiega la gran emozions danter la populazion ladina ma dantaldut chëla dl Südtirol ti ani 1939-43 ntan l tëmp dla opzion. L ie unì publichedes lëtres scrites da jënt tucheda dal destin, ntan chësc tëmp scialdi zite. L liber ie unì curà da Christoph von Hartungen, Fabrizio Miori y Tiziano Rosani y dat ora dal’Associazion La fabbrica del tempo y prejentà dala ULG. Sun la foto da mc. : Christoph von Hartungen, Tiziano Rosani y Florian Mussner. |
 |
N merdi, 11 de setëmber 2007 – à scumencià “Dolomit”, na trasmiscion culturela dla ULG che ie da audì uni segondo merdi dl mëns dala 17.00h ala 17.50h sun Radio Gherdëina.
La trasmiscion de carater nfurmatif y culturel, ie unida metuda adum da n valgun cunselieres dla Union.
Ntan i 50 menuc vëniel prejentà: na rezeta de spëisa da zacan, n liber dat ora dala ULG, vel’cunsëies per pitli problemesc, n curt n curs de ladin y na ntervista a na grupa o n ciantautor de mujiga ladina.
Sun la Foto ntan la trasmiscion, da m.c. Egon Vinatzer, Michaela Perathoner, Manuela Piazza y Günther Pitscheider. L mancia David Lardschneider. |
 |
Vendërdi, 11 de mei 2007 - Vester cuntënt y prejé chël che n à.
N referat che à nteressà na sala dla bibliotech dla Cësa di Ladins plëina de jënt. L dutor de Psicologia l psicoterapista Stefano Di Carlo à cuntà y purtà dant ejempli tleres de coche n pòssa superé i mumënc plu scures ulache la deprescion nes bat ju l mural purtan prò a de gran desturbs al balanz psichich. Ma l ie nce unì spiegà de coche n dëssa se gòder miec la cuntentëza y prejé chël che n à, per miuré nosta vita y garantì n bënsté fisich y nce psichich. La deprescion y la melcuntentëza ie n fenomen che stà per crëscer. La ULG juda pea à cumbater chësc mel. |
 |
Venërdi 04 de mei 2007. Danter la truepa manifestazions cultureles dla ULG, ne possa nia mancë plu sortes de referac sun la sanità. Tlo sun la foto ntan na sëira de nfurmazion cun l dutor Gianfranco Deblasi a m. ciancia dla foto y Carlo Zanella, che à cuntà cosses scialdi nteressantes ntëur la malatia dl zucher – l Diabete. |
|
|
 |
N mierculdi ai 21 de merz ie unì prejentà tla biblioteca dla Cësa di Ladins a Urtijëi, l liber “Jan Demëine Mahlknecht – L Vedl Pana”. L se trata de na biografia de chësta persona che à fat dl bon dajan cà danterlauter l terat ulache ie aldidancuei la dlieja de San Durich. La biografia uriginela ie per tudësch (scritta tl 1820 da Josef Complojer) y ie unida cianceda y laureda ora tl gherdëina da dut. Toni Sotriffer. La publicazion ie unida data ora dlaULG.
Sun la foto: da m.c.:l presidënt dla ULG Egon Vinatzer, l autor dl liber Toni Sotriffer y i musicontri Thomas Piazza cun Christian Hofer |
 |
La ULG dà sciche for na gran mpurtanza al'atività leterera. Ai 16 de merz 2007 prejënta la Union di Ladins de Gherdëina l'antologia “Dolomit” dat ora da Rut Bernardi cun la cunlaurazion de Gerald Kurdoglu Nitsche edizion Emirgan Yayinlari Edizions de Landeck tl Tirol, Austria. L se trata de na publicazion de poejies te plu rujenedes scrites da 14 scritëures dla Ladinia. Truepa jënt fova prejënta. |
|
|
 |
Venërdi ai 09 de merz 2007, ie unida cherdeda ite na senteda mpurtanta danter l cunsëi dla ULG y chël dl Museum de Gherdëina. L argumënt tratova la restruturazion y frabica nueva cun prejentazion dl proiet dla Cësa di Ladins. La senteda ie stata scialdi nteressanta y viva. Ma la situazion ria y la minonghes scialdi desferëntes danter i doi cunseies, ne se à mo nia sblucà. La ULG messerà to na dezijion co' jì inant. |
 |
Ai 15 de dezëmber à la ULG prejentà l tradiziunel Calënder de Gherdëina edizion 2007. L ie unì stampà 1.200 pec. Nce chëst ann àl demustrà de vester scialdi damandà y prejà. La redazion ie bele tl lëur de mëter ju la fundamëntes per l Calënder 2008. L lëur sarà grant y mpeniatif. |
 |
Dumënia, 17.12.2006 ie unì prejenteda n'autra publicazion de gran suzes. L se trata dl liber per mëndri te trëi rujenedes Gaspar l Giat che semieia. Chësc ie unì scrit y dessenià da Daniela Mattei cun la prejeda cunlaurazion de Sabina Valentini, Anna Maria Bianchi y Renate Ramoser. Edizion ULG |
 |
Porta davierta tla Biblioteca Ladina. Ai 8, 10 y 17 de dezëmber à la ULG tenì trëi danmesdis la biblioteca davierta prejentan duta si bublicazions nce cun azions de bon priejes. La jënt dl post à sapù da prejé dassënn chësta scumenciadiva. |
|
|
 |
25.11.06
L dutor de psicologia y psicoterapeut Stefano Di Carlo à tënì dan n gran publich nteressà n referat sun cie fé per armunisé l tré su i mutons y cò alimenté l crëta te sé nstesc. La urganisazion y l'idea ie stata dla ULG. |
 |
Vënderdi 27 de utober- ntan la prejentazion dl liber “L prim stradon de Gherdëina”. La gran sala tla cësa di Ladins fova plëina de jënt cun truepa autoriteies.
Sun la foto da m.c.: Albert Moroder Sodlieja autor dla fotografies, Egon Vinatzer ULG, Edgar Moroder autor di tesc cun i cater pitli sunadëures de armonica n raprejentanza dla Scola de Mujiga de Gherdëina |
 |
Lunësc, 16.10.2006. L'ancunteda danter na reprejentanza di cunseies dla ULG y dla NJG, uluda y urganiseda dala Union di Ladins de Gherdëina tla Cësa di Ladins, ie stata scialdi costrutiva y nteressanta. Minonghes positives ie sautedes ora da tramedoves la pertes. Nia stlut ora che l pòssa nce nascer vel' prim vares de cunlaurazion. |
|
|
|
|
 |
Sada, 07.10.2006 – nuet longia di musei. Te chësta ucajion à nce la bibliotech ladina tla Cësa di Ladins a Urtijëi, tenì daviert nchin mesa nuet jan te na bona cunlaurazion cun l Museum de Gherdëina.
Sun la foto Ivana Moroder y Michaela Perathoner dan la truepa prupostes y ucajions che la ULG à fat metàn de bon priejes per na promozion garateda dla publicazions ladines. |
 |
Da m.c. dr.Wolfgang Moroder neo presidënt dl Muesum de Gherdëina cun Egon Vinatzer presidënt dl Union di Ladins de Gherdëina. Deberieda cëlun de crië na bona armunia de cunvivënza tla Cësa y sambën chierun la formula drëta per n bon cunlauré. I doi presidënc se urta plu suvënz per l ben dla doi lies. |
 |
Mierculdi, 09.08.2006. Ntan la senteda dl cunsëi nuef dl Museum de Gherdëina, ie unì nvià l presidënt dla ULG per prejenté n rendicont di finanziamënc y dla situazion atuela sun i proiec dla restruturazion dla Cësa di Ladins. La senteda ie stata scialdi nteressanta y dessegur positiva per n bon cunlauré. Truepa nfurmazions ie unides ora te chësta ucajion che à nteressà dantaldut i cumëmbri nueves dl cunsëi dl Museum. |
|
|
 |
30.05.2006. La Lista Ladins de valeda, se à damandà n'ancunteda cun l cunsëi dla ULG per rujené sun l daunì dla Cësa di Ladins. L ie unì ora truepa prupostes. N spera for inò che nce i chemuns juda pea a crì i finanziamënc.
Sun la Foto da m.c.: Georg Moroder, dut. Carlo Willeit y Heinrich Demetz presidënt Ladins – Egon Vinatzer y Manuela Piazza (ULG) |
|
|
 |
Dumënia ai 21 de mei 2006, 2. edizion dla Gran Festa de benefizënza sun Monte Pana.- Urganisazion: Union di Ladins de Gherdëina y la Scola de jì a ciaval “Monte Pana.” La festa ie unida nvieda via da mesa la undesc danmesdì cun na bela Santa Mëssa cianteda dala grupa Helios y lieta dal pluan de S.Cristina sn. Raimund Perathoner.
Per l'uajion se à prejentà truepa autoriteies dl sport y dla politica, pea nce Miss Südtirol 2006.
Foto: ntan la rujenedes ufizieles, da m.c.: Maresciallo Casanova, Klaus Malsiner (urganisazion), Elisa Demetz, Peter Fill, Evi Riffesser (urg.) Egon Vinatzer (urg.), Martina Rier (prejentadëura), Florian Mussner, Oswald Prinoth (primar trasfujion dl sanch) y Pauli Demetz (pres. Medicus Comicus). Nia da udëi: Stefanie Keller (Miss Südtirol 2006), Gregorio Tranquillini (pres. ADMO) Bruno Senoner (ambolt S.Cristina)
Ntan dut l domesdì iel stat mesun audì deplù grupes, danter chëstes: I Pazedins, i Giangos Oberkrainer, Mark Alexander, Vincent & Fernando, i Cominais (foto), Thomas dala Mauta, Samira, Walter Mussner y i Skalls. L ie unì pità da bever y da maië ma nce raides a ciaval o cun l pony. Gran spetacul de demustrazions acrubatighes a ciaval y cun i parapënc. Sun l post nce l Aiut Alpin. Dut l davani ie jit ala: ADMO, y ala Medicus Comicus. Prejentazion, Martina Rier |
|
|
 |
Urtijëi, sada ai 08.04.06, ala prejentazion di CD's iel stat mesum scuté su de bela cianties purtedes dant de deplu grupes y cores dala Ladinia.
Sun la fofografia l cor di pitli mutons de Sëlva sota la direzion de Pauli Senoner da Santuel. |
 |
Urtijëi, sada ai 08.04.06. Deberieda cun l Coro Fodom da Fodom, (foto) iel nce stat mesum audì autri cores sciche: da Anpez Coro Giovani in Festa, dala Val Badia Terzet Soreghina, da Gherdëina Cor da Bula, l Cor di Pitli Mutons de Sëlva y l Trio d'ëiles, dala Val de Fascia Coro SS.Piere e Paol de Soraga. L ie stat n bel cunzert. |
|
|
 |
Urtijëi, juebia ai 30.03.06, la 7 da sëira. Ntan la giaurida dla mostra persunela de Günther Pitscheider de Soplajes “Vita da unidi, viver y sperimenté la vita di per di”, tla Cësa di Cungresc a Urtijëi.
L à sunà, sota la bachëta de Egon Lardschneider n valgun sculeies dla Scola de Mujiga de biei pec. |
|
|
|
|
|
|
 |
Cun l prim de fauré 2006 iel unì scumencià tla plates nternet dla ULG cun l quiz. Bel dai primes dis pòssen di che la nuvità y l juech plej.
Sun la foto da m.c.Luca Prinoth, Egon Vinatzer y Markus Rabanser ntan l'ativazion dl quiz. |
 |
Ntan i dis 3-10 y 17 de dezëmber 2005, iel nce chëst'ann unì metù a ji dala ULG n cunlaurazion cun la Lia de Turism de Urtijëi la cripl vivënta.
L Sant Ujep à fat Eugen Beikircher, la madona Nadia Pallua y l pop ie l pitl Marvin Obletter, dessegur l atëur plu jëunn. Ngrum de pitli pastri à abelì la stala. Sambën fovel leprò l musciat, cëures y biesces. La truepa jënt che ie unida caprò a ti cialé, à sapù da prejé la scumenciadiva dla ULG y dla Lia de Turism. |
|
|
|
|
|
|
 |
Vënerdi, 9 de dezëmber 2005: truepa jënt y truepa autoriteies istituzioneles y nce politiches à prejà la publicazio n dl Calënder de Gherdëina che vën ora uni ann y à nce udù de bon uedl l'atività n generel dla ULG. I musicontri Maria Delago y Peter Lardschneider, cumpunënc dla grupa “Cater Tonns” à purtà dant ntan la prejentazion dl Calënder 2006 de bela meludies tipiches, dajan ala sëira na bela armunia.
Da man c.: i sunadëurs Maria Delago y Peter Lardschneider cun i referënc: Alex Moroder Rusina, Egon Vinatzer y Manuela Piazza. L proff. Karlheinz Mureda, nia sun la foto, à liet dant n valguna de blòta cuntedes da ri da zacan. |
 |
Program Ladina Tour 2005 100 ani UGLD (7° edizion)
Dal 18 - 20 de utober 2005
Conzerc a :
Merdi 18.10. 05 dala 20.30 tla Val de Fascia a Pozza tl TeatroTenda
Mierculdi 19.10.05 dala 20.30 te Gherdëina a S.Cristina te Cësa de Chemun
Juebia 20.10. 05 dala 20.30 tla Val Badia a La Ila tla Cësa dla Cultura
L fej pea :
Dala Val Badia: Emmaus, Alexander dal Plan & Compagns, Iaco Rico & Compagns, Hubert & Compagns
Da Gherdëina: Acajo, Secco, Grupa ITC The Skalls
Dala Val de Fascia: Pazedins
Dal Friuli: Quella Sporca Mezza Dozzina |
 |
Gran Festa Ladina n ucajon di 100 ani dla Union Generela di Ladins dla Dolomites
9 - 11.09.2005 Tendon Culturel ntan la inaugurazion dla Festa Ladina (urganisadëures ULG y UGLD) |
|
|
 |
Gran Festa Ladina n ucajon di 100 ani dla Union Generela di Ladins dla Dolomites
9 – 11.09.2005
Ilda Pizzinini ie stata unereda sciche Presidënta unerera dla UGLD, dovia sunadëures de corni da mont de Rina |
 |
Ntan la festa Ladina a S.Daniele del Friuli dai 26 ai 28 de agost 2005 fovel ënghe reprejentanc dla „Usc di Ladins“, dla Union di Ladins de Gherdëina, dla Union Generela di Ladins dla Dolomites y de Radio Gherdëina. |
 |
L cunsëi dla Union di Ladins de Gherdëina y na delegazion dl Museum de Gherdëina, deberieda te na senteda n lunësc ai 11 de lugio 2005 . Unich pont sun l ordn dl di, l proiet dla C ? sa di Ladins.
N ie ruvei a una de sustenì y de ji inant cun l proiet nuef. |
 |
Monte Pana festa per fin de bën ai 29 de mei 2005
Sun palch ntan la premiazion dl concors per la scoles de Gherdëina “Nosta tradizions-nosta identità.
Egon Vinatzer y Manuela Piazza, presidënt y vize presidënta dla U.L.G. prëmia i prims trëi classifichei de uni catergoria. |
|
|
 |
Scola Elementera de Sëlva ai 17 de mei 2005.Nce ai sculëis dla Scola Elementera ti sal bel a liejer tesc per ladin. Tlo na bela tlapeda de mutons y mutans ntan la prejentazion di doi libri “Man de fier”, “La doi pitla furmies y Cusi la lidornia valënta”. Danter chisc iel sambën nce i autores di libri. |
|
|
 |
Gran suzes à abù l di dla porta davierta dla biblioteca ladina tenida dala ULG ai 8 de mei 2005.
Liejer publicazions ladines plej. |
 |
Presidënt nuef dla Union Generala di Ladins dla Dolomites - Na "perla" per la Dolomites - ai 20 de fauré ie unì tenì la reunion generela dla Union Generela di Ladins dla Dolomites cun vela dl cunsëi nuef. Sciche presidënt ie unì lità l ost de Curvea Michil Costa, i doi vize presidënc ie Elsa Cardini de Ampez y Riccardo Zanoner de Fascia. Uni Union di Ladins de valeda à tl cunsëi dla Generala doi cumëmbri. |
 |
Recunescimënt a Josl Bernardi d'Alësc per avëi fat per passa 50 ani San Miculau tenian su ensci na tradizion mpurtanta.
05 de dezëmber 1998. |
|
|
 |
La cripl vivënta - la U.L.G n cunlaurazion cun i paures jëuni de Urtijëi, l Ufize de turism de Urtijëi y la scola de raite "Monte Pana."
Dez. 2004. |
 |
Prejentazion dl CD de mujiga oldies moderna per ladin "Gramofon" n cunlaurazion cun la Generela.
Agost 2004. |
 |
L aministradëur dla U.L.G. Alex Moroder Rusina cumplësc 80 ani. Ann 2004. |
|
|
 |
Ntan i trëi dis de gran festa per fesejé i 50 ani Cësa di Ladins. |
|
|
 |
Jita archeologica sun Secëda meneda dal dut. Herwig Prinoth.
Ann 2004. |
|
|
|
|
 |
Ancunteda culturela cun la Union di Ladins de La Rocia.
Ann 2003. |
|
|
 |
L cunsëi de Urganisazion dla "Ladinaert 2002" a Urtijëi n cunlaurazion cun la Union Generela di Ladins dla Dolomites. Chësta mostra ie unida fata te duta la cinch valedes ladines. |
|
|
 |
Curs de cujiné spëisa da zacan tenì da Stina Mussner de Valim. |
 |
Jita culturela a vijité l Museum de San Martin de Tor y i mulins de Longiarù. |
 |
L zënter de cunzentramënt a Dachau, ntan na jita culturela metuda a ji dala "Union".
Ann 2002 |
|
|
 |
Ancunteda cun la jonta de Chemun de Urtijëi per rujené dl l proiet dla Cësa di Ladins.
Ann 2001. |
 |
Ancunteda danter autoroteies dl mond ladin cun l minister per la telecomunicazions on. Gasparri. |
 |
La familia da Pradac ntan la produzion dl CD "Ntëur l'Sela". |
|
|
 |
Prejëntazion dla Bibbia per mëndri, ciancià tl gherdëina da Simonetta Pancheri y cialà tres da Mon.sin. Cristl Moroder. Ann 1999. |
 |
Festival di cors de mutons dla Ladinia "Ciantëde cun nëus" 1998. |
 |
Na szena ora dla gran festa "Inant adum"sun l jëuf de Sela ai 14 de lugio dl 1996 n cunlaurazion cun la Generela. |
 |
Prejëntazion dl CD " Bon Nadel". Deplù grupes y ciantautores de Gherdëina porta dant cianties d'Avënt y da Nadel. Ann 1996. |
 |
Gran festa per i 50 ani dla Union di Ladins de Gherdëina. I presidënc giapa n recunescimënt. |
 |
Ntan la fotografia dl cover, i ciantarins che à fat pea l CD "Bala fancela" ann 1995. |
|
|
 |
Vijita dl Vëscul Exzelënza dut. Wilmelm Egger per n'ancunteda cun l cunsëi dla Union di Ladins cun vijita al Museum. Ann 1994. |
 |
Na delegazion dla U.L.G. festeja i 70 ani de Mon.Sin. Cristl Moroder.
Danterlauter redatëur per l 50 ani dl "Calënder de Gherdëina". |
 |
Na szena ora de na edizion dla "Ladinia Tour". Cunzerc de mujiga moderna ladina n cunlaurazion cun la Union Generela di lad. dla Dolomites. |
 |
Prejentazion dl liber per pitli "L pitl ie son ie" de Silvia Goller.
Ann 1993. |
 |
Maturanc dla scola I.T.C. de Urtijëi te na vijita ala Cësa di Ladins.
Ann 1992 |
 |
Na szena ora dl film "L banch dla crëusc dla Stries da Sacun".
Ann 1992. |
 |
Inaugurazion dla mostra y cuncors de lorfes da malan n cunlaurazion cun l Museun de Gherdëina.
Dezëmber 1990 |
 |
Ancunteda cun i studënc dl Engiadina (CH). |
 |
Festa di 35 ani Cësa di Ladins ann 1989. L vën inaugurà l relief n lecurdanza al comm. Franz Prugger, per si cruzi dl frabiché dla Cësa di Ladins. |
 |
La prima de na serie de cater edizions de l Festival "Gherdëina cianta y Sona" Ann 1986 - Sun palch Franzl da Poz y Franzl da Puent. |
 |
Prof. Edgar Moroder presidënt de urganisazion deberieda cun l presidënt dla U.L.G Vinzenz Peristi.
Amez ite ie Marisa Colcuc cun l guant dala Gherdëina. |
 |
Doi szenes ora dla gran festa per i 2000 ani Ladins dl agost 1985. Sara da Stufan cun la sama. |
 |
Vijita dl Presidënt dla Republica Taliana On.Giovanni Leone ala Cësa di Ladins a Urtijëi.
(Auril1975) da udëi l presidënt cun Robert Moroder, sëurastant dl Museum de Gherdëina. |
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
)
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
){kind=link}
