Liber di ghesć   |   Links   |   Cuntat   |   E-Mail   |   Home    
Album
   
   
19.12.2009
Do una dla prima sentedes dl cunsëi nuef dla ULG ulache n à metù ju preventivamënter la boza de prugram
per l 2010, iesen mo jic deberieda cun l diretëur Egon Vinatzer a se bever y a se pestlé velch per sté n fregul deberieda.
Foto: da m.c.: l presidënt Stefan Kasslatter, si vize Milva Mussner, l presidënt de vela Edgard Moroder,
la cunseliera Giulia Senoner y Wolfgang Moroder
11.11.2009
Manuela Piazza y Egon Vinatzer ntan la prejentazion dl prim juech a chertes n cuartet per gherdëina y sun Gherdëina dat ora dala ULG. L juech ie scrit per trëi rujenedes y à bele śën n gran suzes.
11.11.2009
La linea de moda “Ladinstyle” de Alessandro Anesi, sun la foto, à trat scialdi nteres pra i prejënc ala prejentazion.
11.11.2009
Ntan la prejentazion dl liber “N pensier per uni ucajion” tla Cësa di Ladins a Urtijëi, à nce vel’ autores di
tesć liet dant si pensieres y poejies.

Sun la foto da m.c.: Milva Mussner y Resi Mussner
N gran temporal daduman, n gran frëit y vënt dut l di, à sambën ustaculà l lëur y rendù n di rie da tenì ora per chi che messova sté iló fërm a vënder.
Ma n fej chësc y auter per se fé cunëscer y per prejenté l’atività dla ULG.
12.09.2009
La ULG à tëut l’ucajion dl marcià de Segra Sacun per vënder y prejenté a n majer publich la chertes nueves dl cuartet sun Gherdëina y scrit per trëi rujenedes. Tl medemo tëmp iel nce stat na bona viertla per lascé udëi na majera spersa de publicazions che la Union di Ladins à publicà te chisc ani passei.

Foto: danca da m.c.: Egon Vinatzer y Günther Pitscheider - dovia da m.c.: Ivana Moroder y Manuela Piazza
 
La pitla grupa n raprejentanza dl cunsëi ie njinieda a muever cun la luesa.
Do na blòta sëira passeda deberieda a na maniera scialdi da ulëi bon y mpurtanta per la morala dla cunlaurazion tla Lia, iesen inò njiniei a manies paredes ite per jì ncontro ai problemes dla ULG y a ti jì do al'atività culturela.
10 de merz 2009
Nce sce i tëmps y la situazion per la Union di Ladins de Gherdëina ne ie nia te si miëur sajon, se à la presidënta Piazza mpo pensà de nvië samont te si medel si cumpanies de cunsëi per na blòta jita cun la ciaspes y do na bona pasta de reviers cun la luesa acumpaniei dal bel linëus dla luna.
L'idea ie stata chëla de tré inò su la moral tla grupa y de n blòt sté deberieda zënza massa dé ahta ala problematica dla lia. Mpo iel unì rujenà de plu argumentazions, sciche l Calënder de Gherdëina, l daunì dla Cësa nstëssa y autra cosses. Per fertuna ne manciovel nia la bona ueia y vel’batuda da rì. La sëira ie garateda scialdi bën, la presidënta à nce desmustrà de vester na bona cuega.
Sun la foto da m.c.: Egon Vinatzer, neo presidënt de unëur dla ULG, Valter Fabbro cunselier, Ivana Moroder segretera y Manuela Piazza presidënta dla ULG
Jené 2009
Tan de nëif dan la Cësa di Ladins ne se lecurdons bel giut nia.
La nes tol scialdi lëur ma la abelësc defin nosta cuntreda. L ie drët sciazé ciche l nes vën dat de naturel.
19.12.2008 - Nia mé i sculeies à demustrà gran nteres per la cossa, ma nce si genitores à cunlaurà cun cuer per l bon garaté dla prejentazion dl liber scrit da si mutons y mutans.
Tlo sun la foto ntan che vel’ umans njiniova ca de bona gulesaries da pestlé.
19.12.2008 - Sot ala direzion dl maester Paul Senoner da Santuel, à i autores di tesć dl liber monce tenì cumpania cun de bela meludies da Nadel y d’Avënt.
19 de dezëmber 2008 - La Purga rujenënta Biblioteca Oswald von Wolkenstein Sëlva
Ntan la prejentazion dl liber per mëndri “La Purga rujenënta” dat ora dala ULG. Na blòta pitla festa nce y dantaldut per i sculeies che à laurà pea. Sun la foto: da m.c.: Ludwig Insam nseniant y direzion dl liber, Egon Vinatzer cuordinadëur di lëures, Milva Mussner cuordinadëura dl proiet y Manuela Piazza presidënta dla ULG.
“Mostra de luesc da paur n miniatura”, mudiei de lën, relieves y dessënies. Dai 6 ai 9 de nuvëmber 2008 tla pitla sala dla mostres tla cësa “Luis Trenker” a Urtijëi ie unida prejenteda da pert dla ULG la mostra che à plajù dassënn. I esposidëures fova: Oswald y Othmar Mussner de Urtijëi, Vinzenz Senoner de S.Cristina y Valter Fabbro de Sëlva. Truepa jënt ie passeda a amiré la mostra y l’idea particulera à plajù dassënn.
19 de utober 2008 – «Ciantede cun nëus» 12’ejima edizion.
La manifestazion di cores di mutons dla Ladinia, purtà ora chëst ann a Urtijëi tla Cësa de Cultura Luis Trenker y metù a jì dala Union di Ladins de Gherdëina n cunlaurazion cun la UGLD, à abù n gran suzes. Dant ie mo stat na mëssa ladina lieta da Sn. Eugen Runggaldier y cianteda dal cor di jëuni de Ampëz “Sòen in Festa”.
La prejentadëura ia stata la presidënta Manuela Piazza.
 
21.05.2008 – Reprejentanc dla Ladinia ti ufizes dla Provinzia de Bulsan. Na delegazion de plu istituzions ladines à vijitá i ufizes dla dut.ëssa Katharina Tasser a Roma, rengrazian l viac urganisà dal Istitut Ladin Micurà de Rü. Tla foto: da m.c.: Egon Vinatzer ULG, Katharina Tasser diretëura de ufize, Bruno Senoner ambolt de S.Cristina y vize presidënt dl I.L. Micurà de Rü, Paolo Anvidalfarei y Jürgen Runggaldier cunlauradëures dl Istitut Ladin Micurà de Rü y Leander Moroder diretëur dl I. L. Micurà de Rü.
L Museum de Gherdëina ma nce la cultura y la rujeneda dla valeda, ie pont de nteressamënt nce per truepa scoles dla valedes ladines. Śën d’ansciuda ie l drë’ mumënt per se dediché nce ai argumënc nteressanc che pieta l Museum de Gherdëina y la Cësa di Ladins n generel. Tla fotografia doi tlasses dla Scola Mesana de Sëlva cun la nseniantes Marika Schrott y Anita Goller deberieda cun la diretëura dl Museum de Gherdëina Paulina Moroder dan la Cësa di Ladins a Urtijëi
Silvano Ploner de Elba de Cianacei ie unì lità presidënt dla Union di Ladins de Fascia. Ël resterà n cëria per trëi ani. Te na pitla senteda, i presidënc dl’autra Unions di Ladins se cungratulea cun l neo sëurastant dla Union de Fascia. Sun la fotografia tla Cësa di Ladins a Urtijëi da m.c.:Werner Pescosta Union Badia, Silvano Ploner l festejà, Egon Vinatzer de Gherdëina y Elsa Zardini da Ampëz. Per l’ucajion manciova la reprejentanza de Fodom y Col.
15.02.2008 L ie unì apustà na mëisa bele te cianton per pudëi avëi n mumënt de gheneda ulache l cunsëi à nce abù si senteda. Datrai pra n bon cëif va nce i majeri problemes plu saurì a bon fin. La ULG ne fej nia gran jites cëres, ma n valguna ëures samont amesa la natura metàn la bona ueia y l devertimënt cun na senteda nce mpeniativa dut adum, porta truep resultac al bon cunlauré danter i cunselieres, la segretera y l presidënt.
15.02.2008 Furné ju per Bulacia ne ie stat per l cunsëi dla ULG degun problem, bona ueia y fé damat fova sambën ënghe sun l prugram. Datrai vala debujën nce de chisc mumënc plu lesieres y manco ufiziei per se cunëscer miec.
Vënerdi ai 15.02.2008 – Dan l Tirler sun Mont de Sëuc, tlo mo curt dan scumencé la senteda. L cunsëi ova bel n vagun purtoies tla giames.
28.01.2008 Hilda nes ova gën. Suvënz passovela te nosc ufizes cun de bona còsses da pestlé fates da ëila nstëssa. De bon grosti da tlozes, crafons o papes. Dut aldo dla sajon. De gra Hilda. Sun la foto, Hilda ie mo passeda a saludé l presidënt dla ULG Egon Vinatzer
Zenz cun si Ape nes à fat de gran servijes de utl nce n cont dl trasport. Ël fova per dut tlo. De gra Zenz
Zenz y Hilda ie jic n pension
Zenz Stuffer de Nis y Hilda Goller de Fié à do 37 ani lascià la Cësa di Ladins.
Ëi fajova pert ala gran familia dla ULG. Cun gran lezitënza à ëi deberieda cun si mut y doi mutans cialà sun la cësa y la ie nce for unida cureda, tenida al ordn y sëuravijioneda. Sun la foto ntan la cëina de salut y rengraziamënt n juebia ai 24 de jené tl restaurant “L Muliné” te Sëlva.
Bel per l cuarto ann iel unì metù a jì da pert dla ULG n cunlaurazion cun l Ufize de Turism de Urtijëi y la Scola de jì a ciaval Monte Pana, la cripl vivënta. La blòta performance ie unida fata sun la pitla plaza Stetteneck ai 8, 15 y 22 de dezëmber. Danter de uni sort de blòc tieres vives, fovel sambën nce da udëi la Sacra familia y i trëi rëiesc. De blòta meludies d’Avënt à acumpanià la cripl.
14 de dezëmber 2007. Sciche pra uni prejentazion, se merìta nce l Calënder de Gherdëina na blòta festa. Tlo Michaela Perathoner che jeta su da bever y pieta da maié ala truepa jënt unida per la prejentazion dl Calënder 2008.
14 de dezëmber 2007 dala 20.00 tla bibliotech dla Cësa di Ladins. Nce l Calënder 2008 à abù n gran suzes y à plajù. Dut l cunsëi ie mpenià a judé pea ala prejentazion. Foto: Valter Fabbro che vënd i Calëndri.
L returia dl'Università de Bulsan dr. Rita Franceschini deberieda cun l professëur Paul Videsott, ie unì nviei n juebia ai 6 de dezëmber dala Union Generela di Ladins per crì na cunlaurazion danter la Università liedia de Bulsan sezion de Personen cun la catedra ladinistica y la Generela. Do na vijita curta ala redazion dla USC iesen passei tla Cësa di Ladins per n'ancunteda scialdi nteressanta y mpurtanta. Presënt l presidënt Michil Costa deberieda cun l'espunënza dla Generela y l diretëur de La USC Iaco Rigo.
Ala giaurida ma dantaldut ntan i cater dis dla mostra, ie stat l nteres scialdi grant. Tlo da udëi l ambolt de Urtijëi Ewald Moroder che ntan la giaurida à laudà dassënn la scumenciadiva. Presënta nce l’assessëura per la cultura dl chemun de Sëlva Beate Senoner.
Gran nteres per la mostra di culezionisć, urganisazion y idea ULG. Sëidesc pitli culezionisć de Gherdëina à fat pea ala mostra danter l 15 y l 18 de nuvëmber tla Cësa de Cultura Luis Trenker a Urtijëi. Tlo ntan una dla truepa sentedes danter i urganisadëures y i culezionisć. La legrëza ie stata granda da tramedoves la pertes.
Doi dis de referendum. N dumënia ai 28 y n lunesc ai 29 de utober, ie unì fat ti chemuns de Col, Fodom y Ampëz l referendum per unì inò de reviers pra Tirol o mo miec pra Südtirol. L 71% di litadëures à lità. De chisc à 3.847 lità de sci, de ulëi passé pra Bulsan. Spartian su per chemun ie i resultac jic ora, che a Ampëz à l 77,08% di litadëures lità de sci, te Fodom l 87,51% y a Col l 84,59%. Te chisc chemuns iel unì fat plu festes. Nce la ULG à sustenì l sci tl referendum.
Foto: espunënc ladins deberieda cun promotëures dl referendum.
18.09.2007 - La presidënta unerera dla Union Generela di Ladins dla Dolomites Hilda Pizzinini anconta la ULG. L ie unì rujenà sun deplù problematighes y argumentazions. Danter l auter sun i raporc danter la singula Unions y nia per ultim nce la cunlaurazion danter la Union y la USC. Anda Ilda à nce ulù lecurdé i fins zentrei dal UGLD.
La senteda ie stata positiva, dessegur nia curta ma à purtà pro a n miëur lauré deberieda y a pensé tl daunì cun vijions plu lerges.
14 de setëmber 2007. Adele Moroder, urganisadëura dla prejentazion dl liber “Lettere Aperte”, pra la mëisa dla publicazions.
14 de setëmber 2007. Canche l cunsëi ne basta nia, iel for inò da dedora simpatisanc che nes juda ora. Tla Foto Devid Vinatzer al buffet do la prejentazion dl liber “Lettere Aperte”.
14 de setëmber 2007. Prejentazion dl liber “Lettere Aperte”. La bibliotech dla Cësa di Ladins fova tan plëina sciche mei. Prejënc nce inuemes mpurtanc dla politica, sciche l assessëur dla provinzia dut Florian Mussner, i ambolc Ewald Moroder y dut. Bruno Senoner, l’assessëura de chemun de Urtijëi Marina Demetz y autri uemes de Chemun. La prejentazion de chësta publicazion mpurtanta ie unida uluda y urganiseda nce te nosta valeda da Adele Moroder.
Trasmiscion Dolomit. Feter uni cunselier dla Union dà si pitl o gran sustëni, sibe murel che nce ativamënter. Tlo sun la fotografia ie Valter Fabbro ntan l lëur de to su la sigles.
Inant adum, 21 de lugio 2007. Nce Ilda Pizzinini, presidënta de unëur dla UGLD deberieda cun l assessëur dla Provinzia de Bulsan Florian Mussner, fova danter autra autoriteies presënc ala festa y coche la foto l desmostra ie la doi pertes scialdi mpeniedes a rujené bonamënter dl daunì di ladins dla Dolomites.
Ai 21 de lugio dan la festa ufiziela, se à i cunseies dla UGLD ancuntà a portes stlutes per se rujené ora vel’ problemesc internesc y per garantì inant na bona cunlaurazion y sintonia trasparënta de lëur y de union. La senteda à purtà si fruc. L manciova la raprejentanza dla Union de Badia. Foto: da udëi mpé l presidënt dla UGLD Michil Costa che à giaurì la senteda.
Ai 21 de lugio l di dla unitá ladina
Inant adum, sun Col Rodela l monumënt per i Ladins ie te chësta ucajion unì spustà dal jëuf dl Sela al col Rodela, daujin ala utia Salei. Tlo unirà l monumënt valorisà y tenì nët ntëurvia. Duc chiche passa te chësc raion possa tlo cun gheneda liejer sun na tofla l sinificat dl monumënt. L lëur de cuordinazion dla festa se à tëut sëura la ULG.
Senteda ULG samont. Col Raiser, mierculdi ai 13 de juni 2007. Nce sce l tëmp ne juda nia pea, ie nosta montes te uni sajon, cundizion de tëmp y te uni mumënt na gran marueia naturela. Coche n possa udëi sun la fotografia l cunsëi dla ULG se la rij mpò. Sota l'omberla amesa de biei prëi n flëura. Monce cun na bona tëurta tla man cëlen de ancuntenté y plu gulëusc dl cunsëi. Samont per l'ana y per l bensté dl corp. Foto: da m.c. Günther Pitscheider, Valter Fabbro, Manuela Piazza y Ivana Moroder
Col Raiser, mierculdi ai 13 de juni 2007. L ie deventà na blòta tradizion che almanco un n iede al ann, tën l cunsëi dla ULG si senteda samont. Ajache l ordn dl di ie te chisc caji scialdi lonch, per solit veniel ntan l ann metù via ponc che possa unì spustei y ades te chësta ucajion vën dut tëut cà. Ntan che n se la ciaculea y fej ora cosses nce mpurtantes, veniel cujinà, maià ma dantaldut stà deberieda te n tlima familier y nia massa ufiziel. Te na cësa da mont tla natura ie dut plu bel. Chësc per zidlé na bona armunia danter cunselieres y presidënt. Tlo sun la foto mé na pert dl cunsëi tla utia dla vize presidënta Manuela Piazza.

Foto: da m.c.: Egon Vinatzer, Manuela Piazza, Günther Pitscheider, Ivana Moroder y Valter Fabbro  
Suvënz univa Anda Malia tla Cësa di Ladins a nes crì, tlo te ufize cun l presidënt Egon Vinatzer tl autonn dl 2006. Anda Malia à nstëssa scrit deplù publicazions danter chëstes lecurdon: "Gherdëina Zacan y ncuei " dat ora dala Union di Ladins de Gherdëina l'ann 1979, "La rujeneda de l'oma" gramatica dl ladin de Gherdëina, dat ora dal Istitut Pedagoghich Ladin l'ann 1991, "Vedla Massaria" da lauré alalergia, te tublà y te cësa, edizion Istitut Culturel Ladin Micurà de Rü ann 1997 y l'ultim gran suzes unì ora tl 2006 y dat ora dal Istitut Culturel Ladin Micurà de Rü ie l liber "L bosch y l lëur cun l leniam".
Anda Malia, na gran persunalità per la cultura ladina *19.11.1912 + 05.04.2007

Anda Malia Anderlan vëidua Obletter da Urtijëi, alias Malia da Cudan nes à lascià. Anda Malia à nce contribuì ativamënter per truep ani tl cunsëi dla Union di Ladins de Gherdëina. Si mpëni dal 1972 al 1986 ovela dat dantaldut n cont dla publizistiga, rujeneda y gramatiga ladina y nchin al 1993 se àla dat ju y cruzià per la bibliotech ladina. L ann 1997 ie ëila unida numineda cumëmbra d'unëur dla ULG. (foto) Anda Malia pea do dal presidënt ULG Egon Vinatzer l diplom de cum. de unëur

21.03.2007 "L Vedl Pana". Sciche do uni prejentazion à la ULG nce chëst'iede, pità ai prejënc zeche da pest lé y da paré la majera sëit. Danter vënder i libri y dé ora da maië, ie l cunsëi y la cunlauradëura de ufiz for scialdi mpenià. Ma per l bën dla cultura l fajon daniëura gën

21.03.2007 Prejentazion dl liber "Jan Demëine Mahlknecht - L Vedl Pana". L autor dla traduzion tl Gherdëina dut. Toni Sotriffer, ie tl lëur, do la prejentazion dl liber, de firmé truep autograms juntan de blòta dediches. La stima per ël ie granda.
La stampa y i media ie daniëura nteressei per l'atività purteda ora da pert dla Union di Ladins. Tlo L jurnalist dla Rai Ladina Leo Senoner ntan n'intervista al presidënt dla ULG Egon Vinatzer.
Do n ann de gran atività y truepa sentedes, iel ëura per l cunsëi dla ULG de sté deberieda pra na bona cëina y se la ciaculé y se la rì zënza messei mëter dut a protocol. Pea nce I verdians dla Cësa Hilda y Zenz.
Alex (Alexander,Franz) Moroder dl Rusina nes à lascià. N asciù sa Lenert, Urtijëi ai 13 de mei dl 1923 y mort ai 11 de nuvëmber 2006. Alex ie stat cunselier dla ULG dal 1951-2006 y aministradëur dal 1974-2006. Ël à scumencià deberieda cun Bruno Moroder cun la trasmiscions dl radio ladin (ani 1955-1965) y fova nce pra chëi uemes, che tl ann 1958 ova metù su l prim cumité dl museum de Gherdëina . Inant viverà Alex te nosc plu biei lecorc y sambën nce sce si lueja dla sentedes resterà ueta, sarà ël cun nëus. Ciao Alex y de gra de dut.
Dut l cunsei dla ULG per la foto tradiziunela de grupa. Do na blòta jita sun Mont Sëuc, do na bona marënda, y te na cuntreda y n di da marueia, iel stat plu saurì purté ora na senteda nce sce scialdi mpeniativa. L dut à inò purtà de bon resultac y fruc. L sté deberieda ala lergia sa mont, ie utl per se cunëscer miec y per n bon lauré tl daunì.
18 agost 2006. Dala un domesdì se anconta l cunsëi dla ULG, sciche uni ann almanco un n iede, sun Mont Sëuc pra na utia, chëst ann chëla dl cunselier Günther Pitscheider a fé la tradiziunela senteda ala lergia sa mont. Ma dant ie mo Ivana Moroder y l patron de cësa Günther ai furniei, che nes njinia cà na bona marënda da gril.
Ala gran ancunteda dl 15 de lugio 06 tla Val de Fascia fova truepa autoriteies dala trëi provinzies y da duta la valedes ladines. Deberieda iel unì lecurdà la gran ancunteda di ladins sun l jëuf dl Sela ai 14 de lugio dl 1946. Su la Foto da m.c.:Daniela Larese Filon assessëura per la mendranzes dla Prov. de Belun, Gianni Pezzei ambold de Fodom, Leonardo Bernard presidënt dl Comprenjore de Fascia y ambolt de Ciampedel y Florian Mussner Assessëur per la cultura, scola y lëures publics dla Prov. de Bulsan
15.07.2006 - Do l'ancunteda ufiziela a Delba de Fascia, ie duc i prejënc jic a Cianacei ala festa "Te Anter i Tobié" a se maié deberieda te na bona armunia na bona marënda tipica ladina. Nce chisc mumënc de sozialisazion ie mpurtanc. Ambolc, assessëures dla provinzies y cumëmbri dla cin'Unions di Ladins adum per n fin mpurtant. Straverdé i ladins, si identità y si tiera.
Ala fin de juni 2006, ie nce stat a vijité la Cësa di Ladins l presidënt dl Cunsëi Provinziel dut.Riccardo Dello Sbarba. Nce ël à stimà la gran atività purteda ora.
Sun la foto da m.c.:dovia dut. David Lardschneider, diretëur dla UGLD, Dancà Egon Vinatzer presidënt dla ULG, Dut. Riccardo Dello Sbarba y dr.essa Paolina Moroder (Museum de Gherdëina)
Plu suvënz iel ti ufizes dla Cësa di Ladins a Urtijëi, autoriteies che se nteressea dl'atività dla Union di Ladins de Gherdëina. Tlo sun la fotografia ie l assessëur regionel dut. Luigi Chiocchetti deberieda cun bera Alex Moroder y Egon Vinatzer, presidënt dla ULG.
L presidënt dla Union Generela di Ladins dla Dolomites Michil Costa ntan na vijita ala biblioteca ladina tla Cësa di Ladins a Urtijëi. L presidënt Costa sà da prejé la gran atività nce leterera che la ULG se mpenia de fé ntan l ann.
08.06.2006- I cunselieres dla ULG ntan la estrazion dla segonda edizion dl quiz sun internet. L'estrazion dla segonda edizion dl quiz do che ngrum à fat pea, ie sauteda ora nsci: L bonn de 100€ dat cà dala butëighes dai ciauzei Rabanser à venciù: Martina Rier de Urtijëi. La ULG se cungratulea cun ëila per la respostes drëtes y rengrazia duc chëi che à fat pea. Cialede inant sun nosta plates internet che la proscima edizion ie prësc inò da fé pea. Sun la fotografia da m.c.: Stefan Kasslatter, Michaela Perathoner y Valter Fabbro
Nce l Medicus Comicus à abù ucajion de se prejenté a n bel publich fajan gran paruda danter i mëndri cun si clowns scialdi da ulëi bon.
Tlo da udëi i stonc dla ADMO y dla ULG. L cunsëi dla Union à tenì adum per n bon garaté dla manifestazion, zënza schivé truepa ëures da lëur.

Dumënia ai 21 de mei 2006, 2. edizion dla Gran Festa de benefizënza sun Monte Pana.- Urganisazion: Union di Ladins de Gherdëina y la Scola de ji a ciaval "Monte Pana." Nce i plu pitli à abù ucajion de se devertì.

La sëira ie unida prejenteda scialdi bën dala cunseliera dla ULG y segretera dla Generela Michaela Perathoner. Tlo da udëi ntan la prejentazion.
Urtijëi, sada ai 08.04.06. Ntan la Prejentazion di CD’s “Cores Ladins” ie unì cherdei sun l palch danter autri nce Luis Stuflesser (a mc. dla foto), l patron dl studio de registrazion SISI Record’s che à tëut su l dut y Egon Vinatzer ideadëur y coordinadëur dl proiet finanzià dala Union Generela di Ladins dla Dolomites.
Pra uni manifestazion vala de njinië ca. Tlo, puec dis dan la prejentazion di CD’s. L lëur ie daniëura for scialdi grant. I cunselieres dla ULG, dancà Günther Pitscheider y dovia Valter Fabbro cun Ewald Karbon deberieda cun Egon Vinatzer nia sun la fotografia. Ëi ie for a disposizion a judé canche la và de auzé pëisc.
La mostra d'Ert persunela de Günther Pitscheider de Soplajes "Vita da unidi, viver y sperimenté la vita di per di", ie unida giaurida tla Cësa di Cungresc a Urtijëi n juebia ai 30.03.06 dala 19.00 y ie resteda davierta n chin n mierculdi ai 12 d'auril. Truepa jënt nce da ora de ca ie unida a vijité la bela mostra che à plajù dassënn.
25.03.2006 - Ultimi dis de preparatives dan la prejentazion d'ert dl artist, Günther Pitscheider. I cunselieres dla ULG Valter Fabbro sun la scela y Günther lëura nchin tert tla nuet per njinië ca la sala a Urtijëi.
15. 03.2006 - Trëi cunselieres dla ULG ntan l'estrazion dla prima edizion dl quiz sun Internet. Sun la fotografia: Da m.c. Alex Moroder, Günther Pitscheder y Egon Vinatzer. Venciù à Hedwig Senoner. Brava
30.01.2006- Ma nce pra na jita cun i schi, iel for na bona ucajion de purté ideies nueves y de mprovisé pitla sentedes.
30.01.2006-Dan scumencé l'atività scialdi mpeniativa dla ULG, ie l cunsëi mo jit a se fé na bela raida cun i schi tla valeda dl Edelweiß. Chësc porta pro a se cunëscer miec y a miuré l'armunia danter cunselieres.
30.01.2006 - Walter Fabbro god n mumënt de gloria danter l'unica doi ëiles dl cunsëi. Tlo cun Manuela Piazza (vize presidënta y Michaela Perathoner).
Typak: L Calënder de Gherdëina 2006 ie dan l'ultima fasa. Tlo l udons mo cun la plates spartides, da sën inant vën l liber lià. Dovia udons la mascins modernes sota la direzion de Adolf Hofer.
Vënerdi, 9 de dezëmber 2005: Ala cëina dl cunsëi dla ULG ie nce unì nnviei i verdians dla Cësa di Ladins Hilda y Zenz Stuffer . Nce ëi à sapù da prejé l bon maië y dantaldut la blòta cumpania.
Vënerdi, 9 de dezëmber 2005: dal Muliné te Sëlva, do la prejentazion dl Calënder de Gherdëina 2006, ie l cunsëi dla ULG jit a se maië na bona cëina. Do l gran lëur finalmënter n pue' de bona ueia.
N lunësc ai 21 de nuvëmber, à Adi Demetz, presidënt de vela, cherdà ite l cunsëi nuef per lité la ncëries che ie tumedes ora nsci: presidënt: Egon Vinatzer vizepresidënt: Manuela Piazza, aministradëur: Alex Moroder cunselieres: Stefan Kasslatter, Ewald Karbon, Michaela Perathoner, Günther Pitscheider, Valter Fabbro y Gilo Prugger. Da udëi sun la foto da m.c.: Stefan Kasslatter, Adi Demetz, Günther Pitscheider y Walter Fabbro.
Ntan la reunion generela dla ULG ai 18 .11.2005 à nce uni cunselier tëut la parola per cunté si esperienza tl cunsëi. Te chësta ucajion iel nce unì prejentà na demostrazion PowerPoint sun l'atività purteda ora ti ultim doi ani. Da udëi sun la foto da m.c.:Günther Pitscheider, Ewald Karbon y Alex Moroder.
Ntan la reunion generela dla ULG ai 18.11.2005- da udëi da m.c. Ewald Karbon, Alex Moroder, Egon Vinatzer, Manuela Piazza y Gilo Prugger.
La reunion à durà dala ot da sëira nchin mesa la undësc.
L cunsëi nuef dla Union di Ladins de Gherdëina che resterà mpe per trëi ani y raprejenta za.300 scric ite, ie metù adum nsci:
Da m.c. dovia mpe: Walter Fabbro, Ewald Karbon, Stefan Kasslatter y Günther Pitscheider.
Danca da m.c. Alex Moroder, Manuela Piazza, Egon Vinatzer, Michaela Perathoner y Gilo Prugger.
Ladiniatour 2005 Urganisazion UGLD Iaco Rigo cun si grupa, nce ël à purtà cianties defin nueves. Pra chësta edizion à fat pea : dala Val Badia Hubert & Lucia, Iaco Rigo & Compagns, Emmaus, Alexander dal Plan & Compagns. Da Gherdëina : Comminais, Secco, Acajo. Dala Val de Fascia: i Pazedins y dal Friul: Quella Mezza Sporca Dozzina.
Daniëura va la festa inant n chin tert tla nuet. La bona ueia y l sté deberieda danter la grupes y i urganisadëures ie daniëura n pont soziel scialdi mpurtant. Tl cumité de urganisazion fova: Marion Kostner, Siegfried Runggaldier, Armin Moroder, Georg Mussner, Michela Perathoner y Egon Vinatzer (coordinadëur).
Ladiniatour 2005 Mujiga moderna ladina -(18,19 y 20 de utober 2005) Nce Miss Südtirol, Stefanie Keller de Urtijëi, à festejà pea la setima edizion dla Ladiniatour n ucajion di 100 ani Union Ladina. La trëi sëires purtedes ora te Fascia a Pozza, te Gherdëina a S.Cristina y tla Val Badia a La Ila à abù n gran suzes.
Gran Festa Ladina n ucajon di 100 ani dla Union Generela di Ladins dla Dolomites
9 - 11.09.2005

La tëurta à plajù nce ala gran personaliteies presentes ala festa
Gran Festa Ladina n ucajon di 100 ani dla Union Generela di Ladins dla Dolomites
9 - 11.09.2005

A cë dl cumité de urganisazion Günther Pitscheider y Egon Vinatzer, cuntënc dl resultat dla festa
Gran Festa Ladina n ucajon di 100 ani dla Union Generela di Ladins dla Dolomites
9 - 11.09.2005

Duta la cinch valedes se à mpënià de pité cëives tipichs dla valedes
L presidënt dla ULG Egon Vinatzer à ancuntà ai 23 de agost 2005 i trëi ambolc de Gherdëina, Ewald Moroder, Bruno Senoner y Roland Demetz, per rujené sun la cuestion dla Cësa di Ladins che semea ne avëi deguna fin.
Do doi ëura de minonghes y ciaculedes iesen ruvei ala contlujion de sustenì la restruturazion dla Cësa che a si maniera simbolisea la ladinità tla Dolomites. L plan de finanziamënt muessa mo unì cialà tres.
17 de agost 2005 - ntan na senteda dl cunsëi dla Union di Ladins de Gherdëina de gran mpurtanza fata ecezionalmënter sun Col Raiser pra medel de Manuela.
Datrai fejel scialdi bon a ji ora amesa la natura per tré su l'armunia danter i cunseliers.
17 de agost 2005 - Sun Col Raiser pra medel de Manuela a na senteda dl cunsëi dla Union. I doi veterans dla ULG da m.c. Alex Moroder y Gilo Prugger deberieda cun Günther Pitscheider, dui trëi sa da prejé pra medel sa mont, vel' tòch de ciociul, ciajuel, smauz cun pansëch y a chëla autëza monce de bon pësc.
Monte Pana 29.de mei 2005
La bela cuntreda de nosc raion ncurona la gran persunaliteies dla mujiga.
Sun la foto da m.c. Egon Vinatzer presidënt dla U.L.G. y urganisadëur dla festa, Oswald Sattler ciantautor y Adele Moroder prejentadëura.
Monte Pana 29.de mei 2005
Do la mëises dla U.L.G. n mumënt de pausa.
Da m.c. Günther Pitscheider, Alex Moroder cuniliers dla U.L.G y Manuela Piazza la vize presidënta
Monte Pana 29.de mei 2005.
Belsy la ciantautora de Sëlva, ma de ravises indianes cun si gran tifosi
Monte Pana 29.05.2005. Ntan la festa à nce la publicazions ladines scialdi plajù. Tlo da udëi l gran nteres ntëur la mëises dla Union di Ladins de Gherdëina
Monte Pana Persunaliteies dl sport, dla politica y dla dlieja à prejà la manifestazion.
Da m.c. Florian Mussner-assessëur provinziel per la cultura Ladina, Klaus Malsiner urganisadëur, Lisa demetz atleta, Peter Runggaldier atlet, Isolde Kostner atleta, Adele Moroder prejentadëura, Sen. Raimund Perathoner pluan de S.Cristina, Michela Ponza atleta, Bruno Senoner ambolt de S.Cristina y Egon Vinatzer urganisadëur. Sun palch ascunduda ie nce Evi Riffesser urganisadëura.
I libri scrit per Gherdëina giapa for n majer suzes. Tlo doi mëndri ntan l di dla porta davierta dla biblioteca ladina, tenida l di de l'oma ai 8 de mei 2005.
Marisa Colcuc Peristi, Alex Moroder Rusina y Manuela Piazza (vize presidënta dla U.L.G.) tl atrio dla Cësa di Ladins n ucajion dla festa di 50 ani dla Cësa che vënt la publicazions nueves. (Agost 2004)
Ntan la festa dl'unità ladina dla Union Generala di Ladins ai 14 de lugio dl 2004.
Da m.c. Egon Vinatzer presidënt dla U.L.G., Günther Pitscheider cunsilier y Manuela Piazza Vize presidënta
Doi cueghes de Laion cun anda Stina Mussner, sun la foto a man drëta, cujina dan la cësa di Ladins de bona spezialitëies da zacan. Duc ie damat ntujias c .
Lunësc ai 4 de auril 2005 -EgonVinatzer y l ambolt de Urtijëi Konrad Piazza ntan la festa ulache la lies de Urtijëi saluda l ambolt che à dat ju si nceria.
L cunsilier dla U.L.G Ewald Karbon se à mprovisà da ost ntan la festa di 50 ani dla Cësa di Ladins - agost 2004
La grupa de guant dala Gherdëina de S. Cristina à fat scialödi paruda nce nta la festa dla Cësa di Ladins a Urtijëi. Na lauda a la Lia per si mpëni.
La ciantarina de suzes Belsy Demetz de Sëlva ntan la prejentazion dl CD Gramofon (Agost 2004)
Ntan la prejentzion dle CD Gramofon.
Martina Rier de Urtijëi à prejentà cun gran savëi y suzes l CD Gramofon. (Agost 2004)
Anda Malia Obletter ruva suvënz mo a vijité la biblioteca ladina, Tlo sun la fotografia deberieda cun l presidënt dla Union di Ladins de Gherdëina.
Egon Vinatzer (Presidënt ULG) cun Michil Costa (Presidënt dla Generela)
Ivana tl ufiz dla Union di Ladins
I Ladiner cun Egon Vinatzer (Presidënt ULG) ntan la festa di 50 ani dla Cësa di Ladins
Rengrazian Hilda y Zenz ië la Cësa di Ladins for al ordn.
La sëntedes vën nce fates samont. Merz 2005
I trëi Rëisc tl ufize dla U.L.G. ann 2004
Ancunteda danter l ufize de presidënza dla Generela cun la sëurastanza dla Provinza de Bulsan
Ancunteda per rujené dla Cësa di Ladins. Da m.c: Egon Vinatzer, Konrad Piazza ambolt de Urtijëi y Florian Mussner Assessëur dprovinziel per i lëures publics, la scoles y cultura ladina.
Vijita dl presidënt dla Talia Ciampi ala Cësa di Ladins. Ann 2004
Ancunteda cun l pres. Dla prov. de Trënt
Ancunteda danter l ufize de presidënza dla Generela cun la sëurastanza dla Provinza de Belluno.
l vën rujenà sunl frabicat dla Cësa di Ladins - da m.c: Carlo Willeit (vize pres. Dl cunsei dla Prov.de Bulsan, Egon Vinatzer, Florian Mussner ass. Provinziel y Gino Fontana ass. regionel Per la cultura.
 

 

Ladin Italiano Deutsch